Ky aprovim është bazuar në të dhënat nga dy studime klinike që kanë përfshirë 1,684 pacientë që kanë demonstruar që pacientët e trajtuar me Benlysta plus kujdes standard kanë përjetuar aktivitet ma të vogël të sëmundjes sesa ata të cilët kanë marrë placebo plus kujdes standard. Rezultatet kanë sugjeruar, por nuk kanë vërtetuar definitivisht, që disa pacientë të trajtuar me Benlysta kanë pasur me gjasë mërdhezje ma të reduktuara dhe që disa kanë reduktuar dozat e tyre të steroideve. Belimumab është bari antitrup monoklonal human që në mënyrë specifike njeh dhe inhibon aktivitetin biologjik të stimulatorëve të B-limfociteve ose BLyS. BLyS është proteinë natyrore e nevojshme për mbijetesë dhe maturim të qelizave B-limfocite në plazma B qeliza. Në lupus dhe disa sëmundje tjera autoimune, nivelet e ngritura të BLyS besohet që kontribuojnë në produksionin e autoantitrupave - antitrupave që atakojnë dhe shkatërrojnë indet e shëndosha të trupit të vet.