Orlistat është në dispozicion në Europë si kapsulë 120 mg me emër brendi Xenical dhe si kapsula 60 mg me emër brendi alli, për humbjen e peshës në kombinim me kalori të reduktuara, dhe dietë me yndyra të reduktuara.

Xenical është licencuar që nga viti 1998 dhe është në dispozicion si bar vetëm me recetë; alli është licencuar në Janar 2009 dhe është në dispozicion pa recetë nën mbikëqyrjen e farmacistit.

alli: informacion i përditësuar i sigurisë

Rishikimi i gjerë Europian i kryer së voni i informacionit për siguri i alli ka çuar deri te një numër i përditësimeve, dhe ka pru informacionet e produktit në linjë me ato të Xenical. Farmacistët duhet të jenë të vëmendshëm për këto informacione kështu që ata mund të këshillojnë në mënyrë përkatëse konsumatorët të cilët duan të blejnë alli ose të diskutojnë përdorimin e tij.

Nefropatia e oksalateve

Pacientët me sëmundje të veshkave do të duhej të konsultojnë mjekun para fillimit të përdorimit të alli pasi që përdorimi i orlistatit mundet të çojë rrallë (1/10 000 deri <1/1000)  te hiperoksaluria dhe nefropatia e oksalateve.

Interaksionet me levotiroksinë

Pacientë të cilët marrin levotiroksinë do të duhej të konsultojnë mjekun para fillimit të përdorimit të alli pasi që kontrolli i reduktuar i hipotireoidizmit mund të shfaqet kur përdoren në të njëjtën kohë alli dhe levotiroksina. Kjo mund të ndodh për shkak të absorbimit të zvogëluar të kripërave të jodit ose levotiroksinës (ose të dyjave). Këto barna mbase duhet të merren në kohë të ndryshme për të reduktuar rrezikun nga interakcionet, dhe doza e levotiroksinës mbas do të duhej të përshtatet.

Interaksionet me barnat antiepileptike

Pacientë të cilët marrin barna antiepileptike do të duhej të konsultojnë mjekun para fillimit të përdorimit alli pasi që humbja e kontrollit të konvulsioneve ka qenë i raportuar gjatë tretmanit të njëkohshëm të orlistatit dhe barnave antiepileptike siç është natrium valproat dhe lamotriginë. Orlistat mund të ulë absorbimin e barnave antiepileptike, duke çuar në humbjen e kontrollit të konvulsioneve. Gjatë tretmanit të njëkohshëm, pacientët do të duhej të monitorohen për ndryshime të mundshme në shpeshtësi dhe peshë të konvulsioneve. Nëse kjo shfaqet, do të duhej të merren në konsideratë administrimi i orlistatit dhe barnave antiepileptike në kohë të ndryshme.

Pankreatiti

Pankreatiti gjithashtu është shtuar si efekt i padëshirueshëm i tretmanit me alli në një numër pacientësh (shpeshtësia e panjohur). Pankreatiti gjithashtu është shtuar si efekt i padëshirueshëm i tretmanit me alli

Rishikim i hepatotoksicitetit me orlistat

Në Korrik 2009, ka qenë një rishikim i gjerë Europian për ndërlidhje të mundshme ndërmjet orlistat dhe reaksioneve serioze hepatike. Rishikimi ka përfshirë të dhënat e sigurisë jo-klinike, trialëve klinik dhe post-marketingut të dhëna nga bartësit e licencës dhe të rishikimit raportit të reaksioneve  të padëshirueshme të dyshuara të dorëzuara në MHRA. Të dhënat nga bartësit e licencës kanë qenë të dorëzuara gjithashtu në FDA (Food and Drug Administration) të ShBA, të cilët gjithashtu kanë kryer rishikimin.

Rishikimi Europian ka konkluduar që nuk ka evidenca të mjaftueshme për të treguar që Xenical ose alli janë të ndërlidhur me çrregullime serioze hepatike sesa ato që tashmë janë të listuara në informacionin e produktit dhe që nuk rekomandohen veprime tjera në këtë moment.

Informacioni korrent i produktit për Xenical dhe alli përmbajnë paralajmërimet që hepatiti, kolelitiaza dhe rritja e transaminazave dhe fosfatazës alkaline mund të jenë efekte të mundshme të padëshirueshme dhe që pacientët të cilët përjetojnë simptoma siç janë ngjyra e verdhë e lëkurës, kruarje, dhembje barku dhe shtrëngime të mëlçisë do të duhej të ndërpresin marrjen e kapsulave dhe të informojnë mjekun.MHRA, bashkë me autoritetet rregullatore Europiane, do të vazhdojnë të monitorojnë të gjitha efektet e padëshirueshme të ndërlidhura me orlistat.

Reaksionet e dyshimta të padëshirueshme mund të raportohen tek ne përmes Yellow Card Scheme (shikoni www.yellowcard.gov.uk) dhe ne mirëpresim raportet direkte nga pacientët.

Raportimi i efekteve të padëshirueshme mund të bëhet edhe në Agjencinë e Kosovës për Produkte Medicinale (shikoni www.k-ma.org).

Burimi: MHRA 

Klikoni këtu