Food and Drug Administration i ShBA ka aprovuar më 10 Tetor 2008 Rapaflo (silodosin) kapsula për trajtim të simptomave të shkaktuara nga hiperplazia beninje e prostatës (HBP – BPH), një gjendje kjo e njohur si prostata e zmadhuar.

"Hiperplazia beninje e prostatës mundet seriozisht të ndikojë në kualitetin e jetës së mashkujve kur ata hyjnë në moshë," ka thënë George Benson, zëvendës drejtor i Division of Reproductive and Urological Products të FDA. "Ky produkt do të ofrojë një opsion tjetër trajtimi për mashkujt të cilët vuajnë nga simptomat e prostatës së zmadhuar.

"Rapaflo vepron duke bllokuar alpha-1 adrenoreceptorët në prostatë, mëshikëz urinare dhe uretër. Duke bllokuar këta receptorë,  ky trajtim mundëson që muskujt e lëmuet në këto inde të relaksohen, duke rezultuar në redukim të simptomave të HBP-së.

Rapaflo do të jetë në dispozicion si kapsulë njëditore. Doza ditore prej 8 milligram (mg) rekomandohet për mashkujt të cilët nuk vuajnë nga veshkat ose dëmtimi i mëlçisë. Doza ditore prej 4 mg do të jetë në dispozicion për mashkujt me insuficiencë mesatare (renale) të veshkave. Rapaflo nuk rekomandohet për mashkujt me insuficiencë të rëndë të veshkave ose të mëlçisë dhe nuk është aprovuar për përdorim pediatrik.

Siguria dhe efikasiteti i Rapaflo është treguar në dy studime multicentrik 12-javëshe, të randomizuara, dyfish të verbëra, placebo të kontrolluara me përdorim të dozës ditore prej 8 mg të Rapaflo. Në studime kanë marrë pjesë 923 mashkuj me një moshë mesatare prej 64.6 vjeç. Nga 923, 89.3 përqind kanë qenë Kaukazian, 4.9 përqind kanë qenë Hispanik, 3.9 përqind kanë qenë Afrikano-Amerikan, 1.2 përqind kanë qenë Aziatikë dhe 0.8 përqind janë identifikuar si “të tjerë”. Pjesëmarrësit kanë qenë të randomizuar dhe nga 923 pacientë, 466 kanë marrë një dozë ditore prej 8 mg Rapaflo. Në këto studime, Rapaflo ka dhënë përmirësim statistikisht signifikant në simptomat e HBP dhe shkallën e rrjedhës së urinës krahasuar me placebo.

Është me rëndësi që pacientët të dinë dhe profesionistët shëndetësor të marrin parasysh që kanceri i gjëndrës së prostatës dhe HBP mund të shkaktojnë shumë simptoma të njëjta dhe që këto dy sëmundje, HBP dhe kanceri i prostatës shpesh ko-ekzistojnë. Për këtë arsye, pacientët për të cilët mendohet se kanë HBP do të duhej të ekzaminohen para terapisë me Rapaflo për të përjashtuar praninë e kancerit të prostatës.

Efektet më të shpeshta të padëshirueshme që janë parë me Rapaflo është redukimi ose mungesa e spermës gjatë orgazmës. Ky efekt anësor nuk bart shqetësim sigurie dhe është i kthyeshëm me ndërprerje të përdorimit të produktit. Efektet tjera anësore përfshijnë marramendje, trullosje, diarre,  hipotension ortostatik, kokëdhimbje, nazofaringit dhe kongjestion nazal. Pacientët të cilët planifikojnë operacion të kataraktës duhet të njoftojnë oftalmologun e tyre se janë duke marrë Rapaflo për shkak të mundësisë së shfaqjes së gjendjes së quajtur Sindroma Intraoperative e Irisit të Shkolitur (Intraoperative Floppy Iris Syndrome - IFIS), një komplikim i shoqëruar me operacion të kataraktës te pacientët me barna bllokuese të alfa-adrenoreceptorëve. Në IFIS irisi i syrit bëhet i shkolitur dhe lëvizë si valët si rezultat i shtimit të nivelit të lëngut intraokular. Kjo mund të rezultojë në periudhë të zgjatur dhe me dhimbje të rekonvaleshencës te ata të cilët i janë nënshtruar operacionit të kataraktës dhe redukim në qartësinë e të pamurit. Pacientët me alfa-bllokues ose ata të cilët kanë insuficiencë të rëndë të veshkave ose mëlçisë nuk do të duhej të përdorin Rapaflo.