25 Maj 2010. FDA ka njoftuar profesionistët shëndetësor dhe pacientët për revidimet në etiketat e përshkrimit dhe të dhënjes pa recetë për inhibitorët e pompës protonike, të cilët veprojnë duke reduktuar sasinë e acidit në lukth, për të përfshirë informacionet e sigurisë lidhur me rrezikun e shtuar për fraktura të çapokut, nyjës së dorës dhe të boshtit kurrizor dhe përdorimit të këtyre barnave.

Informacioni i ri i sigurisë është i bazuar në rishikimin e FDA të disa studimeve epidemiologjike të cilat kanë gjetur që ata të cilët marrin doza të larta ose i përdorin më gjatë se një vit inhibitorët e pompës protonike kanë rrezik të lartë për këto fraktura. Pjesa më e madhe e studimeve ka evaluar individët e moshës 50 vjeçare ose më të vjetër dhe rreziku i shtuar i frakturave primarisht është vërejtur në këtë grupmoshë. Derisa rreziku më i madh i rritur për fraktura në këto studime ka involvuar njerëzit të cilët kanë marrë inhibitorë të pompës protonike me recetë për së paku një vit ose të cilët kanë marrë doza të larta të barnave të përshkruara (të cilat nuk kanë qenë në dispozicion pa recetë), si masë paraprake, etiketa e “fakteve për barin” në inhibitorët e pompës protonike që jepen pa recetë (të indikuar për 14 ditë për përdorim të vazhdueshëm) gjithashtu është reviduar për të indikuar lidhur me këtë rrezik. FDA rekomandon profesionistët shëndetësor, që kur përshkruajnë inhibitorët e pompës protonike, do duhej të marrin në konsideratë doza më të ulta ose kohëzgjatja më e shkurtër e terapisë do mund të jetë adekuate për konditat e pacientit. Komunikata e sigurisë përfshin përmbledhjen e të dhënave me tabelë dhe referenca të cilat mbështetin studimet epidemiologjike të rishikuara për këtë komunikatë.

Burimi: FDA MedWatch