Ngjarja është organizuar nën patronatin e Kryesimit Zviceran të Komitetit të Ministrave të Këshillit të Europës nga Swissmedic, Agjencia Zvicerane për Produkte Terapeutike dhe Këshilli i Europës.Këshilli i Europës për një kohë të gjatë ka qenë i involvuar në gjetjen e përgjigjeve përkatëse në problemet serioze që bartin produktet medicinale të falsifikuara dhe kërcënimet tjera për shëndetin publik.

Konventa MEDICRIME është instrumenti i parë internacional i dhënë për kriminalizimin e falsifikimit të produkteve medicinale dhe krimeve të ngjashme me qëllim të mbrojtjes së shëndetit publik dhe vendosjes së kornizës për kooperim internacional në çështjet e të drejtës penale ndërmjet Palëve që kanë të bëjnë me këtë.

Konventa do të jetë gjithashtu e hapur për shtetet që nuk janë anëtare të Këshillit të Europës. Produktet medicinale në kontekst të konventës përfshijnë produktet medicinale, pajisjet medicinale sikurse edhe përbërësit aktiv dhe ekscipientët e përdorur në fabrikim të këtyre produkteve. Dispozitat substanciale të të drejtës penale të përfshira në Konventën MEDICRIME mbulojnë jo vetëm falsifikimin e produkteve medicinale por gjithashtu edhe trafikimin e tyre sikurse edhe falsifikimin e dokumenteve të ndërlidhura me produkte medicinale. Për më tepër, ato mbulojnë fabrikimin dhe furnizimin e produkteve medicinale pa autorizim.

Konventa gjithashtu parasheh masat preventive përfshirë futjen e kërkesave për kualitet dhe siguri për produktet medicinale dhe masat të cilat sigurojnë distribuimin e tyre të sigurt. Këto të fundit do të përbëjnë sistem adekuat të trasabilitetit (përcjellja e trasesë së distribuimit-A.M.) të produkteve medicinale deri në burimin e tyre dhe strategjitë e menaxhimit të riskut dhe të prevenimit si trajnime multisektoriale.  Masat preventive gjithashtu përbëjnë kampanjat për ngritjen e vetëdijes. Mbikëqyrjen dhe zinxhirëve të distribuimit, marrëveshjet me provajderët e shërbimit të Internetit dhe regjistratorët e domeneve. Konventa thërret Palët që të ndërmarrin masat për të mbrojtur të drejtat e viktimave, përfshirë të drejtat e tyre për kompensim nga kryesit e tyre.

Rëndësia e bashkëpunimit internacional për të luftuar me sukses produktet medicinale të falsifikuara është nënvizuar në prezentime dhe diskutime.Më shumë informacione janë në dispozicion në www.coe.int/medicrime